ياسمين عز تهاجم محمد عطية بعد حديثه عن زواج المساكنة(فيديو) - بلكونة

شنت الإعلامية "ياسمين عز" هجوماً ضد الفنان محمد عطية بعد دعوته التي أثارت موجة جدل بشأن زواج المساكنة.

وخلال تقديمها حلقة من برنامج "كلام الناس" عبر قناة MBC مصر اعتبرت فكرة زواج المساكنة، مخالف المقبول دينيا ومجتمعيا. 

وقالت عز : "إحنا ملناش دعوة بكريستيانو رونالدو وجورجينا، والناس في الخارج اللي بيخلفوا وهما بيحبوا بعض، وبعدين تلاقيها حامل في الفرح، ده مش عندنا خالص وربنا يحاسب كل واحد".

وتابعت : "الدين بتاعنا وربنا قال مفيش حاجة اسمها مساكنة، والاسم ده غلط، السكن هو الزوجة والزوج بعقد شرعي وربنا والناس عارفين وحياة طبيعية، لكن المساكنة دي حد حب ينمق الموضوع ويجمله".

وأضافت : "إنت لما تتجوزي حتى لو جوازة على الضيق بيكون في مجهود من الراجل وبتغلى نفسك، ولما تحصل مشاكل بيكون صعب على الرجل خاصة المصري يطلق، لإنه مقدرك معنويا وماديا".

وأكملت:" لكن لما تكون الدنيا سداح مداح الصبح يقول ليكي باي باي، ويغير كالون الباب والمساكنة خلصت، اتقوا الله وبلاش نقول تصريحات، ولو عندك قناعات احتفظ بيها لنفسك في بيتك".

وكان محمد عطية قد أثار موجة جدل بعد تصريحات له في برنامج "شو القصة" من تقديم الإعلامية رابعة الزيات، والتي تحدث فيها عن ترحيبه بفكرة المساكنة.

وقال عطية أنه لا يمانع بالزواج من لا دينية، قائلا: "المهم تكون إنسانة، ده لو اتجوزت أصلا لأن الزواج عرف بشري اخترعوه بسبب الزراعة".

وتابع:"ولو أنا بحب إنسانة ليه المجتمع والقوانين تدخل ما بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ".

وبسبب هذه التصريحات واجه عطية هجوماً شديدًا وأغضب الشارع المصري . معتبرين تصريحاته دعوة للبغاء ونشر الرذيلة.