مجدداً الإعلامية ياسمين عز تثير الجدل بتصريح آخر عن ضرب عروس الإسماعيلية الفرخة متعملش شغل الديك

تتصدر الإعلامية ياسمين عز محركات البحث في جوجل يوميا، وتثير الجدل عبر مواقع التواصل الاجتماعي، بسبب تصريحاتها المثيرة الجريئة المتحيزة للرجل المصري.

وأوضحت ياسمين عز خلال برنامج «كلام الناس» المذاع عبر قناة «MBC» مصر الفضائية: «أنا ضد مبدأ التعميم، وكلامي موجه للستات القادرة المفترية، وواضح إن اللي ركز في الفرخة كان جعان، والناس ركزت مع الجزمة والسجادة وسابوا باقي الكلام».

وقالت الإعلامية ياسمين عز في اخر تصريح لها: «مينفعش تقولي لجوزك وهو نازل خد كيس الزبالة في إيدك.. أبوكي لو نازل من البيت عمرك ما هتقولي له خد كيس الزبالة وأنت نازل».

وأضافت ياسمين عز: «الست اللي بتقول لجوزها حاضر ونعم دي ملكة مش خدامة.. ومصطلح الجارية ده هناك في مسلسل حريم السلطان مش عندنا».

وتابعت ياسمين: «في حكمة صينية بتقول البيت الذي تمارس فيه الدجاجة عمل الديك مصيره الخراب.. معنى الحكمة أن الفرخة متعملش شغل الديك».

أبر تصريحات ياسمين عز المثيرة للجدل

- أهتمي بجوزك وحطي كرامتك في الدرج.

- إدي حماتك مفاتيح شقتك وسبيها تفتش في دولابك.

- بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه.

- الراجل من حقه يمسك تليفون مراته زي ما هو عايز والست مش من حقها تمسك تليفونه وتتجسس عليه.

- البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها.

- الراجل عينه زايغة.. ما هو طول ما بيشوفك ضاربة البوز وعاملة «القمطة» في شعرك هيطفش.. فين أيام ما كانت الست بتدلع جوزها وتديه أكبر حتة من الفرخة.

تصريحات ياسمين عز عن عروس الإسماعيلية

تصدرت عروس الإسماعلية التريند منذ شهور بسبب ضرب زوجها لها ليلة زفافها أمام الكوافير، ودعمت وتعاطفت الإعلامية ياسمين عز مع موقف الفتاة حين عادت مع عريسها إلى قاعة الفرح وأكملت الزفاف، وأصدرت تصريحات أثارت الجدل حول هذه الواقعة.

- المثل بيقول ضل راجل ولا ضل حيطة.

- الراجل هدية ربنا لينا وحبيه بعنيكي وحافظي عليه.

- سعادة المرأة بتكمن فى وجود الرجل فى حياتها.- المفروض الزوجة تحتوي الرجل لأن طبعه حمش.

- أكيد العريس له رصيد كبير أوي عند عروسته عشان تغفر له.

- اللي تقولك لما تضربي تطلبي الطلاق دي مش بتحبك ووقتها هتقعدي فى البيت.

- مش معقولة العروسة تبوظ فرحة العمر وحب 13 سنة عشان موقف مش عارفين تفاصيله.

ضرب عروس الإسماعيلية من زوجها

قدمت عروس الإسماعيلية محضر ضد زوجها بتهمة الضرب والحبس أمس، وقالت أسرتها: مها واكلة علقة مووووت ومش هنسيب حقها وهنعمل تقرير طبي عندها نزيف بالشبكيه، وجوزها راح عمل محضر ضدها واتبلى عليها وقال إنها ضــ.ـربته وسرقت الدهب.

وقامت قوات الأمن بإلقاء القبض على زوج عروسة الإسماعيلية للتحقيق معه.

آلاء عبدالغفور

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال