الاعلامية المصرية ياسمين عز تثير الجدل مجدداً ماقالته هذه المرة لايصدق صدم الجميع

أكدت الإعلامية ياسمين عز أنها تدعو من خلال نصائحها للمرأة في برنامجها "كلام الناس" المذاع عبر قناة MBC مصر إلى السكينة والتقدير بين الزوجين.

وقالت ياسمين عز خلال تقديمها حلقة اليوم من البرنامج: "الحمد والشكر لله بنام وضميري مرتاح وفي حالة سكينة، لإني بدعو للسكينة والتقدير والمودة والاحترام، وإن البيت يفضل عامر بيكم".وأضافت: "عمري ما هنام وأنا شايلة ذنب إني سخنتك وقومتك على جوزك وخربت بيتك بكلامي وأنا عايشة حياتي بالطول والعرض، ويا رب بيوتكم كلها تكون عمرانة بالحب، ويرزق كل راجل بست تستحمله وتشيله في عينيها".

ووجهت ياسمين عز رسالة إلى الفتيات من متابعات البرنامج قائلة: "عايزة أقول حاجة للبنات الصغيرة اللي بتتفرج علينا وشايفة إننا واخدين كل حاجة شغل وفلوس وشهرة، وفوق كل ده بنمشي الرجالة زي ما إحنا عايزين. ده مش حقيقي، إحنا في بيوتنا زيك بالظبط، بنقول حاضر ونعم بالأصول زي ما شوفنا أهلنا بيتعاملوا مع بعض".

اليكم أبر تصريحات ياسمين عز المثيرة للجدل

أهتمي بجوزك وحطي كرامتك في الدرج.

- إدي حماتك مفاتيح شقتك وسبيها تفتش في دولابك.

- بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه.

- الراجل من حقه يمسك تليفون مراته زي ما هو عايز والست مش من حقها تمسك تليفونه وتتجسس عليه.

- البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها.

- الراجل عينه زايغة.. ما هو طول ما بيشوفك ضاربة البوز وعاملة «القمطة» في شعرك هيطفش.. فين أيام ما كانت الست بتدلع جوزها وتديه أكبر حتة من الفرخة

وكانت ياسمين عز قد تعرضت لموجة من الانتقادات بعد نصائحها الأخيرة للمرأة،، ووصلت الانتقادات إلى درجة اتهامها بالتعصب للرجال، كما هاجمها الفنان خالد سرحان عبر حسابه في موقع التواصل الاجتماعي فيسبوك وكتب: "البت دي عايزه تعمل ترند والناس تتكلم عنها بلاش تساعدوها في الهبل".

آلاء عبدالغفور

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال