زينة تكشف معاناتها مع شخصية رشا في الليلة واللي فيها: "ضربات قلبي زادت" واضطريت اتعالج

كشفت الفنانة زينة عن صعوبة تجسيد شخصية « رشا» في مسلسل «الليلة واللي فيها»، مشيرا إلى انها حاولت الخروج من تقمص الشخصية بالضحك والمزاح.

وأضافت زينة خلال ظهورها أمس في برنامج «الحكاية» الذي يقدمه الإعلامي عمرو أديب، والمذاع عبر فضائية إم بي سي مصر، أن مسلسلها الأخير "الليلة واللي فيها" حقق نجاحًا كبيرًا مؤخرًا عندما تم عرضه على منصة شاهد Vip، وقالت إنها لم تعلم ما تفعله بعد قراءة السيناريو الخاص بمسلسل «الليلة واللي فيها»، معقبة: «أول ما قرأت النص كنت مخضوضة جدًا، ومش عارفة هعمله إزاي».

أشارت أنها لم تعتاد على تقديم مواضيع جريئة مثل هذا المسلسل، «السنة اللي فاتت مكانش عندي شغل بسبب مسلسل الليلة وما فيها، وأديته اهتمامي، وكل شيء في حياتي، وكنت برجع من التصوير متأخر ومعرفش أنام 6 ساعات من كتر التفكير في الشخصية والعمل».

وأضافت أن «التجربة الخاصة بالمسلسل كانت قاسية جدًا»، وأن شخصيتها فى مسلسل "الليلة واللي فيها" كانت صعبة للغاية، معقبة: " كان فيه مشاهد ضربات قلبي بتزيد"، رغم ذلك أشارت إلى أنها أعجبت بالمسلسل، ولم تصدق وجود شخصية مثل رشا التي تقدمها علي الرغم من صعوبتها وحدتها على الشاشة، فهي طيبة ولكنها ضحية لظروفها العائلية.

وأشارت إلى أنها عاشت في الشخصية التي قدمتها، وحاولت الخروج من الحالة بالضحك والمزاح مع من حولها، مضيفة: «أنا تعبت بجد من تقمص الشخصية، والجمهور متعاطف بشكل كبير مع رشا رغم إنها غلطانة».

ونوهت إلى أنها كانت في بعض المشاهد تشعر بضربات قلبها وتسمعها بصورة كبيرة، وأنها مرضت في المسلسل لدرجة، أنها ذهبت إلى الطبيب، معقبة:" من تأثري مرة صحيت لقيت ضربات قلبي زيادة".

وقالت أن "الفن مرآة المجتمع، وينقل الأحداث الواقعية في الأعمال، وكنت بكره مشاهد المسدس في المسلسل، لأني مش بحب العنف، والمخرج هاني خليفة كان بيتعب معايا أثناء تصوير هذه المشاهد، وعلاء مرسى تعب من كتر الضرب في مشهد قتله بالشاكوش".

وتابعت: أنا سعيدة جدًا بنجاح العمل، وكنت حاسة إن السكينة على رقبتي وأنا بصور، وفكرت لو المسلسل منجحش أني أبطل تمثيل، لأنه لازم ينجح بعد كل التعب ده، والمنتج أمير شوقي قالي إنتي ظلمتي نفسك وعملت أعمال كتير منجحتش، وكنت فاكرة إن اعتذاري عن الأعمال في السنين اللي فاتت يدل علي أني جامدة وكنت بمضي على أعمال وأمشي ومكملش وكنت مهملة في شغلي.

قالت زينة "ممكن يمنعوا حد يشتغل بإنهم يتكاثروا عليه، وبطريقة غير مباشرة من غير كلام، لأنه بصراحة في ناس مؤذية، و من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لإني مش عايزة دوشة، وعايزة أعيش في سلام وأعمل شغلي كويس وأنجح".

و أضافت" أنا قعدت 5 سنين حد قافل علي الشغل في مكان معين، وماكنتش فاهمة في إيه، مع إني ست مصرية ومن حقي أشتغل وأنا أولى من أي حد، وبعض الناس قالوا إني عايزة أربي ولادي ومش عايزة أشتغل، طيب أربيهم إزاي؟ أنا مش فاتحة فرن في البيت.

وأشارت: "من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لإني مش عايزة دوشة، وعايزة أعيش في سلام وأعمل شغلي كويس وأنجح".