_صور بنات الفنان الراحل هشام سليم اللاتي حرمته زوجته السابقة من رؤيتهن 15 سنة

لم تكن الحياة الخاصة بالفنان الراحل هشام سليم، خالية من الأحزان والأوجاع، حيث عانى سنوات طويلة من عمره من قسوة ابنتيه وحرمانه منهما بعد طلاقه من زوجته الأولى.

وسبق وكشف هشام سليم منذ سنوات، عن علاقته بابنتيه من خلال لقاء تلفزيوني مع الإعلامي الراحل وائل الإبراشي، تحدث فيه عن قانون الرؤية وعلاقته بابنتيه التي وصلت في فترة من الفترات للقطيعة.وقال سليم خلال لقائه: «أنا معرفش بناتي كويس قوي، لأن مراتي حرمتني منهم من وقت ما اطلقنا، والقانون ساعد في كده، مينفعش راجل يشوف عياله 3 ساعات في الإسبوع بحكم الرؤية، وجيت في وقت قلت أنا لا أسمح لنفسي بذلك لأن حسيت اللي بيحصل مهين ليا وليهما وده حصل بعد 3 أو 4 مقابلات بينا، لأن مكنتش بقدر أعقد معهم الـ3 ساعات كاملين والبنات كانوا مش مستريحين لده».

وأضاف: «بناتي دول حبايبي قسمت وزين الشرف، بس هما مش عارفين هما قد إيه حبايبي، ومش واصلهم ده، لأن كان المفروض الطرف التاني مهما كان الخلافات بينا، يحافظ على وجود الأب مهما كان، وفي رجالة كتير بتعاني من نفس مشكلتي».

واستكمل: للأسف العلاقة بينا مع الوقت وصلت للقطيعة وفشلت جميع المحاولات في أنها تستمر وقلت لنفسي يمكن يجي اليوم وكل شئ يصلح في البداية كنت بتوجع لكن مع الوقت بقيت أقوى».وتحدث سليم عن قانون الرؤية قائلا: «يعني إيه أشوف أولادي 3 ساعات في الأسبوع إزاي، اللي يحط القوانين دي لازم ميفكرش غير في الأولاد وده مش في صالح الأولاد أبدا، طب حتى لو قعدت معاهم 3 ساعات في الأسبوع هعلمهم إيه ولا هعرف عنهم ويعرفوا عني إيه».

وتابع: «القوانين كلها غلط، ليه الأولاد ميعودش مثلا 6 شهور مع الأب ونفس الوقت مع الأم، ويكون في عقاب للطرف اللي ما يلتزمش بده، للاسف القوانين مش بتراعي الأولاد».