خطفها صديق خطيبها وتم اتهامه باغتصابها.. ما حصل مع ملكة جمال مصر لا يُصدَّق!!

فضيحة كبيرة في مصر، ضحيّتها اليوم ملكة جمال مصر، حيث قام صديق خطيبها بـ اغتصابها بعد أن خطفها، ما أثار بلبلةً كبيرةً بعد الكشف عن الحادثة.

هذا ما فعله صديق خطيبها لـ ملكة جمال مصر

في التفاصيل، أحيل متهم بخطف واغتصاب ملكة جمال مصرية إلى محكمة الجنايات، بعد أن أوهمها بأن خطيبها وقع في مشكلة كبيرة خلال المشاركة في أحد المهرجانات.

وبحسب التحقيقات؛ فإن المتهم وهو صديق خطيب ملكة جمال مصر ارتكب جريمته في شهر فبراير الماضي، وكان قد أقنعها بالذهاب معه إلى مسكنه فأمنت له واستدرجها، وعندما وصلا أوصد الباب قاصدا من ذلك إبعادها عن أعين الناس واحتجزها في ذلك المكان لساعات ولم يطلق سراحها، إلا عقب ارتكابه جريمته.

ولم تكشف وسائل إعلام مصرية التي نقلت جانبا من التحقيقات في القضية هوية ملكة الجمال، واكتفت بكتابة أول حرفي (ن. ع)، حيث تقدمت ببلاغ رسمي وتم التحقيق معها والقبض على المتهم بارتكاب الجريمة.

وروت الفتاة في التحقيق الذي تم نشره إنها كانت مدعوّة لمهرجان الإذاعة والتلفزيون الذي أقيم في منطقة مدينة نصر، بصفتها حاصلة على لقب ”ملكة اللطافة بمسابقة ملكة الأناقة العالمية“، مضيفة: ”يوم حفل الختام للمهرجان أنا روحت الساعة 5 مساء، والمهرجان ده بيقدمه خطيبي (مذيع بقناة شهيرة)، وقابلته أثناء فعاليات المهرجان“.

وتابعت: ”خطيبي كان معاه واحد صاحبه فوقفت معاهم، وأنا كنت شوفت صاحبه ده قبل كده، وسابنا علشان يشوف شغله، وفضل لازق لي وقعد يقولي أنا عايز اتصور معاكي، واتصور معايا على الريد كاربت، فجأة واحدة اعرفها من الميديا شافتني، جات تسلم عليا وطلبت رقمي فأنا مليتها رقم موبايل وفوجئت بصاحب خطيبي بيسجل الرقم“.

وأوضحت: ”بعد ما المهرجان خلص، طلعت برة لقيته قالي إن خطيبي قالي امشيكي بشياكة فحاولت استفهم منه، فقالي امشي بس دلوقتي وأنا هكلمك أفهمك“.

ولفتت: ”روحت مشیت واتصلت بخطيبي، لقيت موبايله مقفول، وأخدت عربيتي في الطريق اتصل بيا وسألني عن مكاني قولتله أنا راجعة الزقازيق، ولما عرف أني برجع من طريق السويس طلب مني استناه عند البنزينة، واستفسرت عن السبب اللي عايز يقابلني بسببه فقالي إن خطيبي في مشكلة كبيرة ومصيبة فعدى جنبي بسيارته وقالي امشي ورايا لحد ما وصلنا لإحدى العمارات“.

وأكدت في تحقيقات النيابة: ”نزل من العربية وقالي تعالي نقعد جوه فالمكان كان مقفول، راح قالي أنا أعرف الناس اللي هنا كلها ودخلنا وجابلي قهوة، وقعدنا، وسألته في إيه، راح قالي إن موبايله فصل، فقالي تعالي نروح على البيت زي ما خطيبك قالي فأنا رفضت، وهو قالي إن خطيبي قاله يكلمني ويخليها تسبقني على البيت وقالي إن خطيبي زمانه وصل على البيت“.

وأشارت: ”روحت معاه وقالي محمد وصل البيت وموبايله فصل على طول يلا نروحله، وقعدت أحاول أكلمه ولكن موبايله مقفول، وقولتله اطلع وإديني خطيبي على التليفون، فطلع ونزل قالي إن خطيبك تعبان وصمم إني أطلع، وقعد يقولي أنا أصلا حسيبكم لوحدكم وفي الآخر وبعد تردد طلعت“.

وأكدت الفتاة أنه اعتدى عليها جنسيا وأجبرها على شرب ”مخدر الحشيش“، مشيرة إلى أنها لم تبلغ عن الواقعة في حينها خوفا على سمعة أهلها.