تعرضت لسحر وصمت 3 سنين للتكفير عن ذنب .. عفاف شعيب تكشف تفاصيل صادمة عن حياتها الشخصية والفنية

كشفت الفنانة المصرية عفاف شعيب عن تعرضها للسحر من سيدة كانت تريد تخريب علاقتها بزوجها السابق رجل الأعمال رياض العريان.

وأضافت، في لقائها مع برنامج «كلام الناس» على فضائية «MBC مصر»: «قلت يا رب أنت وكيلي، وبالفعل العربية اتقلبت بيها، ولحد النهارده عايشة عاجزة، أنا عمري ما دعيت ربنا إلا وجابلي حقي، وأنا انفصلت عن زوجي ساعتها لأن العقد بيني وبينه انتهى خلاص».

تغيير السيارة

وقالت الفنانة المصرية: «عمري ما أخدت فلوس من زوجي رياض العريان زي ما الناس بتقول، بالعكس مرة كنت عايزة أشتري عربية مرسيدس سنة 1988 ومكنش فيه تقسيط والمبلغ كان كبير، حوالي 45 ألف جنيه، وطلبت أستلف منه الفلوس، لكنه رفض وقالي عربيتك حلوة مش محتاجة تغيريها، وربنا بعتلي شغل، والحمد لله جبت العربية من فلوسي».

ذنب الإجهاض

وأشارت الفنانة المصرية إلى أنها صامت 3 سنين لتكفير ذنب: «حسيت بالذنب علشان أجهضت نفسي أكتر من مرة، وصمت 3 سنين علشان أكفر عن غلطتي».

وأضافت: «ربنا غفور رحيم، وحسيت بعد تكفيري عن ذنبي بالإجهاض براحة ورأيت رؤية في المنام بإن ربنا غفر لي ذنبي».

لا لخلع الحجاب

وتحدثت عفاف شعيب عن الحجاب، قائلة: «الحمد لله عمري ما فكرت أخلع الحجاب، ولا فكرت في القرار ده أبدا بعد ما فنانات خلعوا حجابهم».

آخر أعمال الفنانة عفاف شعيب حكاية «واحد في المية» من مسلسل «زي القمر»، مع صابرين ومدحت صالح، تأليف فداء الشندويلي وإخراج أحمد شفيق.