أحمد برادة يفاجئ الجميع ويكشف العديد من الأسرار في حياته الشخصية والمهن التي عمل بها وسبب تركه للتمثيل

كشف الفنان أحمد برادة، العديد من الأسرار في حياته الشخصية والمهن التي عمل بها وسبب تركه للتمثيل، إضافة إلى حديثه عن تفاصيل اتجاهه إلى عالم البيزنس والمقاولات.

وقال برادة إنه يحب المزيكا لكنه لم يجد نفسه مع التمثيل، مضيفًا: أنا بحب السرعة والإنجاز لكن إني أعيد مشهدا صعبا بالنسبة لي علشان كده مالقتش نفسي في التمثيل.

وأشار إلى أن ليلى علوي هي من رشحته للمشاركة في فيلم حب البنات وأن أحمد عز كان صديقًا مقربًا له، مضيفًا: الفيلم كان مقبولا ولذيذا وتجربة ربنا وفقني فيها، ومش عارف ليه الناس حبت أغنية نسيني وأنا جنبك، وبزعل أن الناس بتفتكرني بحب البنات مش بالإسكواش.

كما كشف أحمد برادة حقيقة الأخبار التي انتشرت قبل سنوات عن تعرضه لمحاولة اغتيال بسب علاقة عاطفية، قائلًا: الموضوع مش كده لكن كان واحد تافه سرق حاجة من فيلتنا وخربشني ولقيت الدنيا ولعت وكتبوا اغتيال وكلام تاني ما حصلش، ولعبت بعدها بشهر وكملت أربع سنين.

وأضاف: من ضمن الحاجات اللي بنتعرض لها وإحنا صغيرين الشائعات عليه والكلام بيتعب، ومش عاوز الناس تفهم كلامي غلط لكن ماحدش يقدر يهددني لأن الإنسان اللي اتربي صح مش بيخاف وأنا والدي قائد من اللي اشتغلوا في حرب أكتوبر.

كما تحدث برادة عن شقيقته قائلًا: أختي أهم حاجة بالنسبة لي هي وزوجها وعايشين في لندن وهما دول عيلتي، مشيرًا إلى أن القصة التي انتشرت قبل سنوات عن أن سبب دخوله مجال الاسكواش كان بسبب تحدي مع شقيقته التي هزمته: قائلًا: قصة غلط كانت بتعلب معايا ما كسبتنيش وما حصلتش الكلام ده، والإشاعة دي بقى لها 25 لدرجة ان أختي صدقت نفسها أنها كسبتني.

كما تطرق برادة عن قصة دخوله عالم البيزنس، قائلًا: الموضوع في البداية كان صعب جدًا وصعب أني أكون مسؤول عن عمال والموضوع كان كبير عليا، وكنت في وقت من الأوقات من خمس سنين وقعت واقعة كبيرة جدا وكنت ولا حاجة، لحد ما اتعرفت على صديقي هاني المصري زي أخويا وشريكي في كل حاجة، ابتدينا الشغل واشتريت حديد واشتغلت في الخردة وقال لي هنعمل برادة لمقالاوت.

وأضاف: ابتديت واجتهدت من 5 سنين بقيت أروح للمقاولين وماكنتش بتكسف، وكانوا بيتكسفوا مني وواحد أداني مصنع واسمي خدمني وحب الناس لا يشترى والحمد لله أبتدينا في تحجارة الحديد عملنا اسم ناجح.

وتابع: عمري ما بصيت للفلوس ببص للنجاح بس وما عرفش عندي كام ممكن من كترهم ماعرفش كام.. واللي بيجي بعمل بيه مصنع وأشتري آلات.