بحب الستات الحلوة وجربت الحشيش وأنا مراهق وسما المصري كانت حلم عمري  بس مرضتش بيا...تصريحات مثيرة وجريئة لـ " تامر أمين"

حل الإعلامي تامر أمين مساء يوم الأحد الموافق 18 من شهر سبتمبر الجاري ضيفًا في برنامج "العنيدة" الذي تقدمه المذيعة رقية اليزيدي ويذاع على شاشة تلفزيون قناة "الشمس"، وأثناء الحلقة أدلى تامر أمين بتصريحات جريئة يقولها لأول مرة حول حياته الشخصية والمهنية.

أبرز تصريحات تامر أمين

- أنا بحب الستات الحلوة، والمدام متفقة معايا، لأن الله جميل يحب الجمال، ومراتي واثقة فيا وعارفة إني بقدر الجمال في كل حاجة

- قمة الشرف له هو نسيان الصداقة والجيران على باب الاستوديو وإلا لو افتكرت ده يبقى كلامي هيحمل على أهوائي

- أنا جربت الحشيش وأنا عندي 16 سنة ومعجبنيش، بس أنا مش متعاطي

- أنا بنتي مؤثرة عظيمة على التيك توك، وكل فيديو لابنتي لازم يعدي عليا الأول، ومستحيل تتصور بكاش مايوه

- كان نفسي، وكان حلم عمري ارتبط بسما المصري، أنا بشتغل وبكون نفسي طول عمري بس مرضتش بيا، عشان مش مستوايا، أنا إيش وصلني

- هاتوا لي كائن فضائي شافني مع سما المصري في الطريق الصحراوي حتى، هي تقول اللي عايزاه، الناس ضحكت على كلامها

- أُقدر علم الشيخ مبروك عطية وورعه وتقاه وأخذ عليه الميل إلى الشو الزائد عن اللازم الذي لا يتماشى مع هيبة الشيوخ

- مقولتش إن فيلم "هز وسط البلد" لإلهام شاهين قذر، أنا قولت فيلم لا يليق بإلهام شاهين ولو هتنتج أفلام كده متنتجش، أنا عارف بقول أيه وامتى، إلهام شاهين صديقة وفنانة عزيزة

تامر أمين يحذر أولياء الأمور 

ومن الجدير بالذكر أن الإعلامي تامر أمين قد حذر في وقت سابق أولياء الأمور من دفع المصروفات المدرسية بعمله الدولار، حيث قال خلال برنامجه المذاع على شاشة تلفزيون قناة “النهار”: “أي مدير أو أي حد يقولك عاوزين المصاريف بالدولار أعمل معاه الجلاشة.. انتوا ملكوش دعوة بالدولار خالص، وأي حد يقولك ادفع بالدولار أرفض وابعتلنا وإحنا هنفضح أي حد، ومش هنسمح لحد أنه يستغل أولياء الأمور من تاني”.