باسل خياط يتسبب بتعريض روجينا بسالي لهجوم حاد وشتائم بألفاظ نابية وهذا هو السبب - بلكونة

كشفت المخرجة المصرية "روجينا بسالي" عن تعرضها للهجوم والشتائم الحادة ؛ بسبب انتقادها لـ أداء الفنان باسل خياط.

وكتبت بسالي ، تدوينة قالت فيها: "أنا ليا كام يوم بصحى على شتايم وخوض في عرضي وقلة أدب ماحصلتش علشان كتبت رأيي من كام يوم في ممثل.. ورأي عادي لا بسب في الراجل ولا بقول بيمثل عندنا ليه؟ لأن لا ده أسلوبي ولا ديه طريقتي ولا يصح عمومًا".

وأضافت : "لكن أبقى بتشتم علشان (بعض) الأخوة السوريين شايفين إن ديه عنصرية مني وإني ضدهم ده بقى عبث وقلة أدب وإرهاب كمان، أنا مستغربة عمر ما ده كان أسلوب ولا طريقة السوريين في الاعتراض، ومش معقول إن رأيي في ممثل يشمل كل ما هو سوري ده أمر مضحك جدًا..".

Capion

 

وتابعت:" حقيقي عيب ومايصحش وخناقة عمري ما ح ادخل فيها وبمسح التعليقات وبعمل بلوك علشان أنا أبعد ما يكون عن الحقارة دي وحتى مذاكرتش جنسيته ولا عمري عملت ده ولا ده يدخل في نطاق تقييمنا له كممثل".

وكانت " روجينا بسالي " قد انتقدت أداء الفنان السوري باسل خياط، في منشور سابق لها على فيسبوك ، حيث وصفت أداءه بالرتيب وغير المتطور والضعيف ، سيما في مسلسل "منعطف خطر" ، قائلة: "نفس الأداء من أول ماشفته.. على طول يمثل بنص عين (نص مفتوحة نص مقفولة) غضبان ومتعصب، بيجز على سنانه، الكلام بيطلع تقيل وممطوط، حتى النفس عنده بمعاناة، وطبعًا بلا سبب منطقي ولا ضروري، غير أداء رتيب يصل حد الافتعال قرر يلازمه"

وأضافت: "أحيانًا النمطية تخلق لصاحبها منطقة آمنة لكن هذا كسل فظيع الحقيقة".

وتابعت : " باسل خياط ممثل يستسهل تقمص شخصية واحدة كررها مرات عديدة ووصل الأداء فيها إلى التطابق".

وأكملت "كل المسلسلات ديه أداءه ما تحركش خطوة لقدام ولا لحظة مختلفة في مشاعره، نفس الطريقة نفس الأداء ما فيش حتى جهد ولو على مستوى الشكل، يا أخي ده أنت ما جتهدتش في شنبك حتى، يطلع حد فجأة يقول لك بس أصل أنت ما شفتهوش في مسلسل كذا في سوريا ولا مسلسل عمله وهو طفل صغير، كل ده ولسه ماشفناش؟".

Capion

وقدمت له نصيحة ، قائلة : "أنت لو فتحت عينيك حتشوف الممثلين اللي قدامك بيمثلوا إزاي والتمثيل عمومًا وصل لفين.. ممثل فرصة لهواة الافتعال والأداء اللي من أول درج، حيفضل بالنسبة لي ممثل "أوفر ريتيد" وأوفر في المطلق.. عظيم الأداء ده يا فنان بس عند هتشكوك بقى إن شاء الله".