شبهته بالكلاب.. دعاء فاروق تعلق على موضوع المساكنة برد قوي وغير متوقع - بلكونة

حرصت الإعلامية دعاء فاروق التعليق على بعض تصريحات المشاهير التي أثارت جدلاً واسعاً الفترة الماضية حول موضوع المساكنة، واستنكرت بشدة تلك التصريحات وعبرت عن استيائها الشديد منها.

 حيث نشرت دعاء فاروق مقطع فيديو لها عبر حسابها الشخصي على موقع التواصل الاجتماعي "إنستجرام"، وتحدثت فيه عن رأيها في موضوع المساكنة، حيث قالت: "اعملوا مساكنة، وعيشوا مع بعض من غير زواج، ولا تدخَّلوا قانون ولا مجتمع ولا أهل ولا أصحاب ولا دين".

وتابعت دعاء فاروق: "عادي لما يسكر ويقوم خبطك على دماغك، إيه اللي دخَّل القانون، وممكن يسرقك، إيه إللي يدخَّل القانون والحاجات البلدي دي، بس هتحملي منه، إيه اللي هيدخَّل القانون، بردو لما يسيبك، أصله هيسيبك ويمشي، ويقولك: وأنا مالي، شيلتك شيليها لوحدك".

واكملت دعاء فاروق حديثها قائلة: "يا تهربي، يا تنزِّلي الطفل، وتعيشي النقاهة لوحدك، إيه اللي يدخَّل المجتمع والحاجات دي، يا تروحوا ترموا الطفل في الزبالة، زي ما في ناس بتعمل كده، إيه علاقة الدين بالموضوع، أنتِ مسلمة؟، بتصلي وتصومي؟، ما تصلِّيش، بطلي صلاة، بتصومي في رمضان؟ بطلي تصومي، ده عيشة كلاب".

تصريحات محمد عطية الأخيرة عن المساكنة

ويذكر أن الفنان محمد عطية حل ضيفًا يوم الجمعة الموافق 2 من شهر سبتمبر الجاري في إحدى البرامج التلفزيونية، وتحدث فيها عن موضوع المساكنة والزواج من وجهة نظره، حيث قال: "في حاجات كتير في الدين صعب أتقبلها، زي تعدد الزوجات والقتل باسم الدين، وممكن أتجوز من غير دين المهم تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه ندخل المجتمع والقوانين بينا؟".

وتابع: "الأنسب نتجوز من غير عقد زي المساكنة لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ".

المذيعة ياسمين عز تهاجم محمد عطية

ولم تكن الإعلامية دعاء فاروق هي أول من هاجم فكرة المساكنة، بل تحدثت أيضًا المذيعة ياسمين عز عن ذات الموضوع في حلقة من حلقات برنامجها "كلام الناس"، حيث قالت: "الأيام دي الواحد بيسمع تصريحات مش بيبقى عارف يعلق عليها، عايزين توصلوا الناس لـ ايه؟ يعني أي نعيش مع بعض من غير جواز وبعدين نشوف إحنا مناسبين ولا لا، فين الدين اللي بيقول كدة؟ إزاي شخصية المفروض قدوة تقول كلام خطير زي ده".