أغرب القصص في حياة روبي... تم طردها من نقابة الموسيقيين بعد كشف هذه الفضيحة و " العري" بجانب هؤلاء الفنانات منعها من دخول سوريا - بلكونة

روبى، مغنية وممثلة مصرية، اسمها الحقيقى رانيا حسين محمد توفيق ولدت فى المنيرة. درست القانون فى جامعة بنى سويف. وكانت بتقدم برامج فنية فى قناة دريم والمحور المصرية. اول ظهور ليها كان من خلال دور ليها فى فيلم "فيلم ثقافى" سنة 2000 وكان دور صغير جدا ظهرت فى مشاهد قليلة وظهر اسمها فى التترات رانيا حسين.

 انضمامها لنقابة الموسيقيين

حسب مصادر إعلامية مقربة فإنه حصل كلام وجدل كتير لما انضمت لنقابة الموسيقيين وفيه ناس اتهمت حسن ابو السعود نقيب الموسيقيين بحاجات كتير وفيه اشاعة طلعت انها انضمت للنقابة بسبب انها دفعت 50 الف جنية لصندوق معاشات واعانات النقابة وعشرتلاف جنية رسم للنقابة عن فيلم 7 ورقات كوتشينة.

كما اعترض الموسيقار حلمى بكر  على انضمامها للنقابة. نبيه الوحش المحامى أيضا  رفع قضية ضد ابو السعود عشان كان معترض على انضمام روبى لنقابة المهن الموسيقية عام 2004 ومعرفش يوصل لحاجة ساعتها ومخدش حكم.

وبسبب هذا الموضوع تقول روبي "شريف صبرى اجل البومها مشيت ورا احساسى لحد ما المشكلة تخلص. وف سنة 2007 هيئة مفوضين الدولة فى محكمة القضاء الإدارى فى مجلس الدولة فى مصر طلعت قرار بإلزام حسن ابو السعود انه يشطب عضوية رانيا حسين محمد توفيق وشطب اسمها من جدول قيد النقابة، وكان دة نتيجة محاولات نبيه الوحش المستمرة فى المجال دة.

سبب الطرد من النقابة

حلمى بكر قال -ف مقابلة مع وكالة الانباء الالمانية- ان عضوية روبى ف النقابة باطلة عشان اى لجنة قيد لاعضاء جديدة حسب لايحة النقابة لازم تتشكل من برة مجلس الادارة وبحضور النقيب او رئيس لجنة القيد. ولجنة قيد روبى كل اعضاءها من مجلس ادارة النقابة ورئيس لجنة القيد رضا رجب محضرش واعترض على اللى حصل.

منعها من الغنا فى سوريا

صباح عبيد نقيب الفنانين السوريين اصدر قرار سنة 2007 بمنع روبى واليسا وهيفاء وهبي انهم يغنو فى سوريا. عبيد قال ان السبب هوه "الحد من العري" زى ما قال بعدها صباح عبيد استقال سنة 2008 وفيه مصادر فنية قالت انه اتعرض لضغوط بسبب قراراته المتلخبطة مع الفنانين الثلاثة وغيرهم من الفنانين السوريين زى ميادة الحناوى و جورج وسوف اللى هددهم بشطبهم من النقابة عشان اتاخروا فى انهم يسددوا الرسوم النقابية السنوية.