تصريحات صادمة للفنانة آمال رمزي تكشف اسرار حياتها الشخصية بلقاء تلفزيوني "مش لاقيه راجل أرتبط فيه حالياً" وحقيقة خلافها مع عادل أمام - بلكونة

كشفت الفنانة القديرة آمال رمزي عن أنها لا تفكر في الارتباط مجددًا، مؤكدة على أنها لن تجد رجال مثل التي ارتبطت بهم في وقت سابق، وذلك خلال لقائها في برنامج "نص الكلام" الذي تقدمه الإعلامية اللبنانية راغدة شلهوب، ويذاع على شاشة تلفزيون قناة "النهار".

حيث قالت الفنانة القديرة آمال رمزي لـ برنامج "نص الكلام": "مش بفكر في الارتباط، لأني مش هلاقي زي اللي كنت متجوزاهم، أنا اتجوزت أربعة، وأكتر واحد ريحني كان من أبطال الصاعقة وعيشت في سعادة معاه 3 سنين، كأنه عايش عشان يبسطني ومكنش خاين، كان من البيت للجامع ومن الجامع للبيت".

كما أكدت آمال رمزي على أنه لا توجد أي فنانة من فنانات الجيل الحالي تشبه الفنانة هند رستم، وذلك بسبب كثرة إجرائهن لعمليات التجميل، حيث قالت لـ برنامج "نص الكلام": "مفيش أي واحدة من نجمات اليوم في جمال هند رستم، لأن جمالها كان طبيعي، وأنا دلوقتي بشوف حاجات صناعية كتير، وأنا ضد عمليات التجميل بتاعت الفنانات لأن ربنا خلقنا زي ما احنا".

وتابعت آمال قائلة: "وهو مش عيب بس الزيادة بتبقى مش حلوة، أنا ساعات بروح عزا أو فرح بلاقيهم كلهم زي بعض.. وميمنعش أني أعمل حقنة فيلر او بوتوكس، إنما التعرض للجراحة صعب لأني شوفت ناس كانوا حلوين قبل عمليات التجميل وبعد كدا حصل تشويه، بس نادية الجندي عمليات التجميل بتاعتها عجبتني".

ومن ناحية أخرى كشفت آمال رمزي عن تفاصيل خلافها مع عادل إمام، حيث قالت: "أنا زعلت من عادل إمام لأن كان هيعمل البيه البواب وأنا كنت هبقى مراته فهو اعتذر وأحمد زكي عمل بداله، فجه أحمد زكي قالي مينفعش تبقي مراتي لأن أنت حلوة وأنا عايز زوجة سودة زيي، أنما مش ممكن أسيبك وأروح لصفية العمري انتوا الاتنين لحم أبيض، وقالي ممكن تعملي الضيفة وأجرك يكون هو هو فقلت له أوكيه".