_بعد فوزها بجائزة أفضل ممثلة تامر حسني عن هنا الزاهد: «كنت فاقد الأمل في وجود هذا النوع من القلوب الجميلة».

أعرب الفنان تامر حسني عبر صفحته الشخصية على موقع التواصل الاجتماعي فيسبوك، عن سعادته بفوز الفنانة هنا الزاهد بجائزة التميز والإبداع كأفضل ممثلة عن فيلم "بحبك"، في مهرجان الفضائيات العربية، مشيرًا إلى اجتهادها في العمل قائلا: كنت فاقد الأمل وجود هذا النوع من القلوب الجميلة.

وكتب الفنان تامر حسني عبر صفحته الشخصية عن فوز هنا الزاهد: «بكتب بوست عن هنا والله، والله مش عشان بتهديلي الجائزة لا، بكتب كلمة من قلبي عشان هي بنت قلبها جميل ومقدرة المجهود اللي عملته عشانها وعشان كل الممثلين، نوع القلب دا مبقاش موجود أوي، ياما ناس بتساعد ناس بس نادرين أوي اللي قدروا المجهود دا وعندهم قلب جميل يخليهم مينسوش تعب الناس اللي كانوا جنبهم وأخلصولهم من كل قلوبهم، كنت فاقد الأمل في النوع دا من القلوب، يمكن عشان قدمت ناس كتير وللأسف معظمهم قلوبهم اتغيرت بعد ما نجحوا».وأضاف تامر حسني: «بس للأمانة، هنا الزاهد هي هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي، الفيلم اللي حقق أعلى إيراد دولي في تاريخ مصر والعرب وتجاوز الـ ٦٠٠ مليون في ظاهرة أولى من نوعها، ومش بس إيرادات.

وتابع تامر حسني: كمان حقق أعلى عدد زوار سينما في تاريخ السينما وبتتكرم عنه دلوقتي بجايزة مبياخدهاش إلا المتميز المبدع، افرحي بنجاحك وبشغلك الرائع في الفيلم، مبروك يا هنا كل الناس بتحبك وكل الناس فرحانة بيكي وأنا بجد فخور بيكي وبقلبك الجميل المحترم الأصيل، شكرًا على الجائزة مستنيها في شركتي مليش دعوة، مليون مبروك يا أجمل هنا».

ريهام نصر

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال