آمال رمزي تصدم الجميع بتصريحات نارية: خلافي مع عادل إمام كان بسبب "البيه البواب" ومفيش حاجة اسمها سينما نظيفة - بلكونة

قالت آمال رمزي خلال لقائها في برنامج "نص الكلام" من تقديم راغدة شلهوب عبر قناة "النهار": زعلت من عادل إمام كان هيعمل "البيه البواب" وأنا كنت هقوم بدور مراته، هو اعتذر وجاله شغل تاني وأحمد زكي قدم الدور بداله

وتابعت: أحمد زكي قالي مينفعش تبقي مراتي لأنك حلوة وأنا عاوز زوجة سوداء مش ممكن أسيبك وأروح لصفية العمري أنتوا الاتنين زي بعض، وطلب مني أقدم دور ضيفة شرف وأخد أجري زي ما هو

وأكملت آمال رمزي: كنت سعيدة بدوري في "البيه البواب" لأن الفيلم نجح جدا

وخلال اللقاء كشفت آمال رمزي عن رأيها في القبلات وارتداء الفنانات للمايوه في الأعمال وقالت: فتحنا عنينا أن أحنا بنحب السينما ودا تمثيل يعني إيه نضيفة ومش نضيفة، والتشدد اللي حاصل دا بسبب ناس إرهابيين موجودين وسطهم، دا مش تدين دي شغله بيكسبوا منها، لكن الحمد لله ربنا نصرنا عليهم.

كما كشفت آمال رمزي عن الفنانة التي تحبها قائلة: ميرفت أمين أحبها على الشاشة وعلى المستوى الشخصي، ومن الجيل الحالي أحب منة شلبي.