مش متعاطفة معها في أزمتها.. فنانة مصرية شهيرة تثير الجدل وتهاجم شيرين عبد الوهاب

علقت الفنانة المعتزلة ميار الببلاوي على أزمة الفنان شيرين عبد الوهاب الصحية قائلة:«أنا مش متعاطفة معها في أزمتها».

وأضافت ميار الببلاوي عبر برنامجها «أحلى كلام»: «إحنا شفنا المشكلة اللي بتعاني منها دلوقتي نجمة كبيرة محبوبة، ناس كتيرة هتجنن عليها، وناس كتير متعاطفين معاها، اسمحوا لي أنا مش متعاطفة، قبل كده عملت فيديو وحذرتها».

وواصلت ميار الببلاوي: «قولت لها يا شيرين إنك انت دلوقتي في وقت يا إما هتنتكسري وترجعي لنقطة الصفر، يا إما هتقفي على رجلك وتكملي، وربنا لا يفضح العبد من أول مرة، في حاجة اسمها الستر، أنا لما سمعت إن الموضوع حاصل بقاله كذا سنة، وإن هي والعياذ بالله ربنا يعافينا، انزلقت لهاوية الإدمان، ده في حد ذاته ستر ربنا».

وتابعت: «ربنا إداكي يا شيرين هدية، أمك وإخواتك، أهلك يا تهلك، ولادك أهم حاجة عندك، من أول قولتلك بصتك في بناتك بالدنيا، أنا مش بغرد بره السرب، بس إن أحنا نيجي على أهلنا عشان أي حد في الدنيا، محدش هيحبك أكتر من أخوكي».

ووجهت رسالة إلى محمد عبد الوهاب شقيق شيرين عبد الوهاب: «أنا بقوله انت راجل ابن راجل، وتسلم البطن اللي جابتك، أنك قدرت تقف جنب اختك وتاخدها عشان تنقذها، الأم المسكينة العجوزة اللي عندها 80 سنة، اللي مكانش ليها حيلة إنها تنقذ بنتها، غير أنها تستنجد بأخوها، هي طردت أختها وأختها راحت قعدت مع بناتها، الإخوات، الأم، الأب، هم بس اللي هيخافوا عليكي، وجعك هو وجعهم، مفيش راجل يستاهل إن الست تدمر نفسها عشانه».

صبا

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال