عفاف رشاد: كل اللي تزوجتهم كانوا مشغولين ومش فاضيين لي وهذا ما عملته لمدة 10 أيام فقط بعد الحج

حلت الفنانة عفاف رشاد، ضيفة على برنامج "الستات" الذي تقدمه الإعلاميتان مفيدة شيحة وسهير جودة، والمذاع على شاشة قناة النهار.

وكانت تصريحات عفاف رشاد كالتالي:

اتخدعت في سامي العدل وكنت فاكرة إنه هيحبني.

أنا اخترت غلط لأن زوجي الأول كان متزوج، والثاني كان متزوج، والمفروض أتزوج حد فاضي، ودي غلطة كبيرة ألوم نفسي عليها، وفي المرتين كنت الزوجة الثانية.

محمد السبكي عصبي وأنا عصبية، ويمكن هي دي نقطة الخلاف بينا، وانفصلنا علشان ابني ميشوفش المشاكل.

محمد السبكي كانت قعدته كلها معايا ومهتم بي، وكنت كويسة مع مراته ومفيش مشاكل مع ولاده، لكن أنا اخترت غلط.

من ساعة ما انفصلت عن محمد السبكي علاقتنا أصدقاء، وساعدني في تربية ابننا عمر وإنه يكمل في الجامعة ويسافر ويحقق أحلامه.

الفنانة عايدة رياض شجعتني أتجوز محمد السبكي، وكان جواز عادي مش حب ودموع، لإني لقيته زوج مناسب وراجل ابن بلد وطيب، واتطلقت منه مرتين.

محمد السبكي قاللي يا تبقي أم يا تبقي زوجة، إنت متنفعيش تكوني الاتنين، واخترت أكون أم.

لبست الحجاب أول مرة بعد ما رجعت من الحج سنة 2008 لمدة 10 أيام وقلعته، ولبسته بعد الحج الثاني سنة 2014 وفضلت بالحجاب سنتين.

قلعت الحجاب لسبب صحي، ومش عايزة أقول السبب لإن الدنيا اتقلبت علي المرة الأولى.

شيرين زي أي مريض وكلنا ممكن نحب بني آدم وننهار، وكل واحد بينهار بطريقته.

بيقولوا عليا عملت ٩٦ عملية تجميل، وهي ست رجل برا ورجل جو واتضايقت من التنمر

يذكر أن أخر أعمال الفنانة عفاف رشاد مسلسل “المداح 2”، الذي عرض ضمن السباق الرمضاني 2022 بطولته كل من: حمادة هلال، وهبة مجدي، وخالد سرحان، وغيرهم من النجوم.

نصر زايد

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال