راندا البحيري تنهار وتبكي على ماحدث لشيرين عبد الوهاب: صعبانة عليا مكنتش أحب توصل للمرحلة دي من الوجع.

وجهت الفنانة راندا البحيري، رسالة دعم للفنانة شيرين عبد الوهاب، وذلك بعد أزمتها الأخيرة، وتصريحات شقيقها التي كشفت مؤامرات كثيرة تُقام من طليقها الفنان حسام حبيب ضدها.

وشاركت راندا البحيري، فيديو عبر حسابها الشخصي بموقع التواصل الاجتماعي فيسبوك، حيث قالت: أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين.

وانهارت راندا البحيري خلال الفيديو: ليه ده أنا هتمنع اسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن انتي تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا.

وأضافت راندا البحيري: حُب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشه وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك.

على جانب آخر، أوضح شقيق شيرين عبد الوهاب في وقت سابق خلال تصريحات تليفزيونية، أن شقيقته تتعرض للإذاء على يد طليقها الفنان حسام حبيب، وسارة الطباخ، واصفًا إياهما بالعصابة.

وتابع شقيق شيرين عبد الوهاب: أختي بتتعرض لعصابة حسام حبيب وسارة الطباخ، ولو رقبتي هتطير وآخر يوم في عمري مش هخرّج أختي من المستشفى إلا وهي كويسة.

ريهام نصر

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال