أهانه والده وضربه بقسوة بعد قيامه بهذا التصرف في المسرح امام 700شخص الفنان محمد صبحي يكشف أسرار صادمة عن حياته

كشف الفنان محمد صبحي موقف تعرض له في المسرح مع والده عندما كان صغيرًا، كما أعرب عن رفضه للعمل تحت اسم المرفهاتي.

 وتحدث الفنان محمد صبحي عن موقف جمعه مع والده خلال وجودهما في المسرح، وذلك من خلال لقائه في برنامج بروين شو، حيث قال: والدي كان رحمه الله إداري في فرقة رمسيس يوسف وهبي، وكنت بستغل الفرصة ديه، وأنا عندي 6 أو 7 سنين، وأروح وأتفرج على المسرح كل يوم. وأضاف صبحي: وفي ليلة أنا قعدت ويوسف وهبي كان بيتكلم، واتحركت وأنا قاعد على الكرسي وعمل صوت، لقيت الـ 700 نفر اللي قدامي بصوا ورا عليا، أنا خوفت ويوسف وهبي سكت، وكملوا عادي، ومش عارف إني عملت جريمة. 

واستكمل: بعدين خرجت بره في الاستراحة، لقيت والدي جايلي وقالي أما تقعد في المسرح متتحركش علشان تعمل صوت وتوقف المسرحية، وضربني بالقلم، وأنا اعتبرت ده ظلم، أنا معملتش جريمة قد القلم المهين ده، بس بعد شوية اكتشفت إن هو جريمة علشان محترمتش المكان اللي أنا فيه.

 وأردف محمد صبحي تصريحاته بالحديث عن غضبه من إطلاق اسم المرفهاتي على الفنان، فقال: مسألة الترفيه هي جزء أصيل من الفن وكل الفنون، حتى الفن التشكيلي اللوحة فيها ترفيه للنفس، الفنون فيها جزء أساسي من الترفيه، ولكن ميبقاش الأساس في اختياري، أما تختاريني علشان أعمل تحت عنوان الترفيه، يبقى اختصرت حاجات كتير أوي في هذا الفن، واعتراضي إني أعمل تحت هذا العنوان.