بعد فضح علاقتها مع هذه الفنان الشهير..منى عراقي تصرخ: مش هتجوز في السر تاني

ربما أن التصريح الأخير والمفاجئ للإعلامية منى عراقي عن زواجها من الدكتور أيمن رشوان قد وضعها في ورطة كبيرة خصوصا بعد نفي رشوان الأمر ووصفه بالشائعة.

وقالت منى عراقي في بث مباشر لها عبر حسابها في فيسبوك وهي بحالة غضب، للحديث مجددا على الشائعات التي تطالها: ”إيه القرف اللي أنا فيه ده؟ كل دا بيحصلي ليه؟ أيه المهم في قصة جوازي وارتباطي أنا بقالي أكتر من يومين مش بنام ونفسيتي تدمرت عشان قررت أعلن عن حياتي الشخصية، وأنا مش عايزة أتجوز في السر تاني خلاص ولادي كبروا أخبي ليه؟ وقالوا لي بلاش ترتبطي في السر، دلوقتي مفيش داعي“.

وأضافت: ”ولما حد كان بيسألني كنت بقوله هتجوز قريب، والسؤال اللي دمر نفسيتي بقاله يومين هو سؤال الناس عن هوية العريس، إنت مالك؟ أنا حرة أقول وقت ما أنا عايزة وحرة أقول مين، وإنت بردو أصروا يعرفوا وقولت لهم هعلن في الوقت المناسب عشان حياتي وحياته متبوظش“.

وتابعت الإعلامية المصرية: ”وجه فرح وحضرت وروحت أسلم على أيمن رشوان والناس قالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم أهروا أنا متعودة مردش على الحاجات دي“.

وواصلت حديثها: ”اللي عرفني الخبر صديقي، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن وبيسألوا اتجوزت مين، إنت مالك؟، خلصت القصة، يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا“.

وكانت منى عراقي قد خرجت قبل أيام في مقطع فيديو تنفي فيه ارتباطها بالدكتور أيمن رشوان، وأكدت أنها تزوجت شخصا آخر، غير أنها بقيت حديث الجمهور في الساعات الماضية.

وقالت الإعلامية في الفيديو السابق: “ مساء الخير قولولي مبروك، ما كنتش أعرف إن القصة ممكن تتنشر كل هذا الانتشار، آه اتجوزت، اسم يشرف أي حد، لكن لأسباب كتيرة ما حبناش نعلن عنه، واتوترتنا جدا لما لقينا الخبر اتسرب بالمنظر دا“.

وأضافت: ”أيمن أنا أعرفه من زمان جدا، بينا كيميا، لما بنتقابل ما بنبطلش ضحك ورقص، ودايما كان سند، الوحيد اللي ممكن أقوله أعمل إيه، وهو يقولي أعمل إيه، لأني بثق فيه ثقة عمياء، لما الخبر انتشر أيمن كلمني وقاللي اتصرفي خليهم يشيلوا الخبر ده، قولتله هتصرف“.

وتحدثت خلال الفيديو بصوت خافت ”لأ مش أيمن“ ليسدل الستار عن حقيقة حديثها الذي حمل بين طياته الكثير من المعاني والأوجه المختلفة بدأ بتأكيد خبر زواجها من الدكتور أيمن رشوان وانتهى بنفيه.

الدكتور أيمن رشوان يرد

من جانبه رد الدكتور أيمن رشوان على خبر زواجه من الإعلامية منى عراقي، بعد أن تحدثت الأخيرة عن قصة ارتباطها، مؤكدا أن الخبر عار عن الصحة، فقال: ”خبر زواجي من الإعلامية منى عراقي كاذب، وليس له علاقة بالحقيقة، ومنى العراقي صديقتي وأختي“.

وأضاف: ”الخبر ملهوش علاقة بالحقيقة، وكاذب جدًا، وأنا مستغرب بسبب انتشار الخبر بطريقة غريبة جدًا، ومستغرب من انعدام المصداقية والمهنية بوسائل الإعلام“.

كما علق الدكتور في تصريحات صحافية بشأن ظهوره مع منى عراقي خلال زفاف المذيعة سالي عبد السلام، قائلا: ”مذيعة وزميلة وصديقة وبعتبرها زي أختي واحنا الاثنين موجودين في فرح زميلة تانية طبيعي نتصور ده مش معناه إننا اتجوزنا .. خبر الجواز الكاذب“.

نصر زايد

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال