ياسمين صبري تعتزل التمثيل بشكل تام وتبدأ في إعطاء جمهورها أولى الدروس في مجال الطاقة والجمهور يسخر منها

أحدثت المشاركة الأخيرة للفنانة ياسمين صبري في نقاشات مع جمهورها عبر Twitter بجلسة حوارية عبر خاصية "سبيس" التي يتيح الموقع من خلالها فتح دردشة مباشرة مع المتابعين ضجة كبيرة بعد تحدثها في تخصص خارج الفن والتمثيل.

و أطلق الكاتب تامر عبده أمين "سبيس" للدردشة وتبادل الأفكار عبر حسابه على موقع Twitter بعنوان ممكن تلاقي شريك حياتك الصح من الـ dating apps أو تطبيقات التعارف؟

وكان لياسمين صبري رأي مختلف عن أغلب المشاركين في الحوار، الجميع كان يتحدث عن هذه التطبيقات وفكرة اكتشاف الشخص، لكنها كانت تنظر للموضوع بنظرة أخرى، وقالت: إحنا بنتكلم عن تطبيق للتعارف في الوطن العربي ومصر يعني مع مصريين ورجال شرقيين، الراجل الشرقي في قلبه هيبقى ضد أنه عرف مراته أونلاين وهيبقى ضد جدًا أنه خرج معاها علشان كلمها من الإنترنت وخياله هيفضل يقوله بصوت خافت هي نزلت مع مين قبل كده وحصل إيه، طريقة التعارف نفسها هتبقى مشكلة.

 الجواز حاجة كبيرة وعمر طويل حاجات بنبنيها مع بعض هتكتشفوا حاجات مع بعض لكن هتلاقي الرجل مرة يقولها أنا عرفتك من الإنترنت كأنها إهانة دي مش أصلح طريقة أحنا في النهاية مجتمع شرقي مسلم متدين "حتى لو مش بنصلي الفروض الخمسة الدين دا في الجذور" هيبقى نقطة بالسالب للبنت، الولد لما بيدخل على التطبيق عشان يتعرف على حد مش بيكون جدي، واحد في المية بس اللي بيكون بطريقة جدية لكن الباقي تسالي، أو حد خارج من علاقة وبيسلي نفسه، ممكن البنت أه تفكر بطريقة تانية 50% منهم ممكن يكون داخل التطبيق وبيفكر بطريقة جدية.

ياسمين صبري تدرس علم الطاقة:

 تطرقت ياسمين صبري في حديثها عن علم الطاقة الذي تدرسه وأعطت للجمهور بعض النصائح، كما تحدثت عن التعليقات السلبية التي تتلقاها وكيف تحولها إلى طاقة إيجابية، وقالت: أنا ست مشهورة وكل واحد بيقول رأيه كل دقيقة ،واحد يقول مش ذكية، وواحد يقول هي فاضية، وواحد يقول خدت كل حاجة بسهولة ومحظوظة لو طاقتي أضعف من كل دا هاخد الكلام وأقول أنا مش في مكاني وعندهم حق، وأعيش الفكرة وأضيع النعمة اللي ربنا أدهالي، واخليها نقمة، أمتى أبقى قد الموضوع وطاقتي أكبر لما أقول مش مهم واللي يقول يقول وأحول طاقة الحسد لبركة ورزق وجمال وأقول يارب حول كل حاجة سلبية جيالي من أشخاص لبركة وعوضهم خير ليا وليهم، وبتمشي، أنا بعلى وبكسب والبراندات تطلبني والمسلسلات والأفلام تتعرض عليا من كتر ما الناس بتتكلم عني.  

 وقدمت ياسمين صبري نصيحة لجمهورها قائلة: سواء بنت أو ولد لو عاوز حاجة معينة اسأل إزاي أوصلها وحط دايمًا في نهاية الكلام علامة استفهام متحطش طلب ونقطة، واسأل دايمًا إزاي أكون النسخة الأفضل مني.

ولم تتوقف عند هذا الحد وأعطت ياسمين صبري أمثلة لأشياء تعرضت

لها وكيف تحولت من الطاقة السلبية إلى إيجابية وحكت عن فترة تعرضت فيها لحادث وأصيبت برباط صليبي وقطع في الغضروف، ولم تشعر بأي شيء إيجابي إلى أن أدركت أنه بسبب هذه الحادثة تغيرت حياتها ووصلت لأشياء أفضل.

 وطلبت ياسمين صبري من جمهورها مشاهدة فيلم limitless وقالت إن فكرته تدور حول كيف يتغير الإنسان ويصل النسخة الأفضل منه، كما تحدث عن أعمال أخرى تابعتها منها black mirror، وفيلم blonde عن قصة مارلين مونرو، وكتاب think like a man act like a lady.

 سعيدة أن ربنا خلقني ست:

 وعن فكرة أن المرأة ضحية ونظرة المجتمع لها قالت ياسمين صبري: سعيدة أن ربنا خلقني ست الست عندها قوة أكبر من الرجل لكن قوة ناعمة مش بالدراع والصوت، ربنا أدلها مميزات كتيرة، في فرق بين القط والقطة، القطة الأنثى تصرفاتها غير القط وهما معندهش العقل اللي ربنا أدهولنا، أبدًا عمرها ما كانت الست ضحية ومش الهدف أنها تعمل عقلها بعقل الراجل احنا بنكمل بعض لازم أبقى عارفة إحنا بنكمل بعض إزاي.

 واختتمت كلامها بالحديث عن علم الطاقة مجددًا وقالت: في علم الطاقة الفوضى هي التي تبني الحياة وليس الاستقرار، أي شخص في حياته فوضى وتغيير بعدها يحدث نقلة كبيرة وتغيير، الكون تكون في فوضى انفجار حدث دينيًا وعلميًا هذا حدث مكنش يوم عادي وفجأة بقى في كون، انفجار أدى إلى حياة.

آخر أعمال ياسمين صبري:

 يشار إلى أن ياسمين صبري غابت هذا العام عن دراما رمضان 2022، وكان آخر أعمالها مسلسل "فرصة تانية" معالجة دراما محمد سيد بشير وتأليف مصطفى جمال هاشم وإخراج ‏مرقس عادل وإنتاج شركة سينرجى، وبطولة أحمد مجدى، أيتن عامر، هبة مجدى، دياب، إدوارد، محمود البزاوى، هبة عبد الغنى، ‏سارة الشامى، محمد أبو داود، أحمد الشامى، نهال عنبر، عمر الشناوي.

نصر زايد

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال