فنان مصري شهير يفضح زميله بطريقة جريئة...كان بيحب الكوكايين أفضل من بنته

أوضح الفنان أشرف زكي نقيب المهن التمثيلية السبب وراء إحالة الفنان فكري صدقي لجلسة تحقيق عاجلة، وذلك خلال مداخلة هاتفية مع الإعلامية لميس الحديدي كلمة أخيرة.

 أشرف زكي يكشف سبب إحالة فكري صادق للتحقيق

وقال أشرف زكي: التحقيق بسبب أنه قال سعيد صالح بيحب الكوكايين أكتر ما بيحب بنته، وأنه كان في السجن وميشرفناش أن دا يبقى فنان في وسطينا.. وبعدين اذكروا محاسن موتاكم".

وتابع: "لفنان فكري صادق فنان كبير والنقابة لسه مكرماه وانا أشك أن دي تصريحاته فلازم نواجهه، انا كلمت بنته واعتذرتلها وبعدين احنا مبنتهمش حد احنا بنشوف حقيقة ما منسوب اليه".

اعتذار لابنة سعيد صالح

وقدم مراد نجل فكري صادق اعتذار لابنة سعيد صالح عبر صفحته الشخصية بموقع التواصل الاجتماعي فيس بوك قائلا: أختى الغالية و الفنانة بنت الأصول هند سعيد صالح  طبعا انتى تعلمى جيدآ عشقى و احترامى و تقديرى للنجم الكبير سعيد صالح و تاريخه منذ صغرى حنى تخرجنا انا وانتى من سنين زملاء  من المعهد العالى للسينما.

وتابع:  احنا اكبر من اننا نتكلم على صفحات الفيس بوك  يا بنت عمى و عمنا كلنا، ووالدى بنفسه قال فى كذا لقاء قبل كدة  أن علاقته بالفنان سعيد صالح وعادل امام كانت علاقة صداقة بعيد عن الفن و اشتغلوا سوا كتير و كل واحد مننا ممكن يقول كلمة عفوية  دون قصد غلط .... و خصوصآ لما تتطلع الكلمة من جيل والدك و والدى لأن دة جيل عظيم و فاهم و واعى و خصوصآ انهم جيل واحد كمان  و الجيل دا معروف بالحب أصلا لحد دلوقتى كمان.

نجل فكري صادق يبرر تصريحات والده

وأضاف: و ان كانت كلمة طلعت غلط أو سوء تفاهم حصل بشكل مفاجئ مش معناه انه غلط لا سمح الله فى الاستاذ سعيد أو بيقل من شأنه رحمة الله عليه  و راعوا  يا جماعة كبر السن و العفوية فى الكلام للناس الكبار ... الناس دى  فنانين كبار و اكبر من اننا نلوم عليهم او نحاسبه بالكلمة ... لأن سعيد صالح دة نجم كبير و فكرى صادق فنان كبير برضو .. و شكرآ المهتمين و عارفين ان دة مش طبع والدى و ان عمره فى الوسط الفنى ما حد زعل منه.

وأردف: الحمد لله احنا ناس فى حالنا مش بتوع مشاكل ولا تريند علشان الناس تعرف مين فكرى صادق أو نقيس بالتريند شعبية نجم كبير زى الاستاذ سعيد صالح ؟؟؟ و ربنا يرحم الجميع  كل من عليها فان يا جماعة و كلمة ( فنان عادى)  كلمة لا تقليل شأن ولا سب و قذف لأي حد ..