قم بمشاركة المقال
انفجرت الإعلامية المصرية رضوى الشربيني، باكية خلال حديثها عن تفاصيل وفاة والدتها وهو ما دفع المذيعة منى عبد الوهاب إلى التأثر و البكاء معها، كما تطرقت في الحديث عن مواصفات زوجها المستقبلي الذي يمكن أن توافق عليه.
وكشفت الشربيني عن أصعب لحظات مرت عليها في حياتها، خلال حوارها في برنامج «أنا والقناع» المذاع عبر فضائية «الحياة»، والذي تقدمه الإعلامية مني عبدالوهاب وقالت إن يوم وفاة والدتها من أصعب الأيام التي مرت عليها ثم دخلت في حالة من البكاء.
اقرأ أيضاً
وقالت: «صحيت من النوم في التوقيت اللي كان هناك بلاد قفلت فيه بسبب الجائحة، وأنا كنت أول واحدة أصيبت بكورونا وماما أخدت العدوي مني، وعزلت نفسي والبيت كله طلع سلبي واتطمنت شوية، وسمعت بنتي الكبيرة بتكح، كلمت صحبتي أني لازم أطلعهم من البيت».
وأضافت،: «سمعت صوت ماما بتكح وكلمت حد من وزارة الصحة وبالفعل جاء أفراد من الوزارة وعملوا الإختبار وطلع البيت كله إيجابي، واليوم دا قررت أنه حتي التعب مينفعش أحس بيه، لأن مفيش حد يمرض كل دول».
اقرأ أيضاً
وتابعت: «بعد 24 ساعة بنشوف الأكسجين بتاع ماما لقيناه قليل، وقلبت الدنيا عقبال ما لقيت لها مكان في المستشفي وطلبنا الإسعاف ووديناها المستشفي أنا وأخويا، وعمري ما هنسي الكلمة اللي قالتها لي وقتها، قالت لي لو هتدخليني المستشفي أنا هموت هنا».
وواصلت أنها ذهبت لزيارتها في المستشفى خلال تلك الفترة بناء على طلب الطبيب لتتلقى منها وصية قائلة: "الدكتور كلمني وقالي تعالي شوفي مامتك عشان تتحسن وتبقى أحسن فتعالي شوفيها، فروحت على طول، فاقت وبعدين بصت لي، وقالت لنا أنا وأخويا خلي بالكم على بعض، وبعدين كل الأجهزة وقفت، وكل الأرقام عمالة تقع، ولما سألنا الدكتور إيه اللي بيحصل قالنا ده الطبيعي وخرجنا بره".
اقرأ أيضاً
وحول يوم وفاتها، قالت رضوى الشربيني أنها قررت زيارتها بالمخالفة لتعليمات الطبيب لكنها لم تتمكن من الوصول للمستشفى قبل وفاتها، متابعة: "يوم الوفاة أنا كنت رايحة لها في الطريق وكأني مستمعتش كلام الدكتور لقيت المساعدة بتاعته بتكلمني قبل ما أوصل بدقايق بسيطة بتبلغني إن والدتي اتوفت".
وأكدت رضوى الشربيني أنها مستعدة لإعادة تجربة الزواج بعد انفصالها عن زوجها الأول ووالد بناتها، ولكنها لديها شروط أن يتمتع بمواصفات تؤهله للفوز بقلبها.
وحول هذه الصفات، أوضحت أنها تريد شخصاً يتمتع بشخصية قوية ليكون سنداً لها، ويمدها بالقوة لتخطي المشكلات التي قد تمر بها في حياتها.
وتابعت: "عليه ألا يقوم بأي أمر يجرح رضوى الشربيني وأن ينسحب بهدوء ويقول آسف مش قادر أكمل"، مشددة على ضرورة أن يكون صادقاً ومتصالحاً مع نفسه.
وتابعت: "عايزة الراجل يكون قادر علشان أنا ست قادرة، وعلشان العفو عند المقدرة، وكل ما يكون راجل قادر مش هيبص على أخطائي وعلى الثغرات في الحاجات اللي بعملها وهيكبر دماغه، ومش هيبص على عيوبي".
وأضافت: "لازم يكون بحبني أوي ويهتم بيا أوي ويعرف يتعامل معايا لأني صعبة أوي. ويكون حنين وطيب ودمه خفيف، ولازم يبقى شيك في نفسه وخفيف كده"
وأشارت رضوى الشربيني إنها صادفت الحب الحقيقي عقب انفصالها، مؤكده إنها قصة وانتهت قائلة "قابلت الحب الحقيقي بعد الانفصال ومكنش تعويض عاطفي وإنما قصة حب حقيقية، ولكنها إنتهت وانا مبحبش اتكلم عن القصص اللي انتهت بسبب اننا اتفقنا اننا لا نتفق"