أنتي منفصلة؟ ....رضوى الشربينى تصعق أحد متابعيها برد قوي وغير متوقع - بلكونة

قامت الاعلامية رضوى الشربينى بالرد على سؤال إحدى متابعات برنامجها، والتى انفعلت عليها بعدما وصفت نفسها فى نهاية حديثها بأنها مُنفصلة ، والتى أشارت من خلال حديثها على أن هذا الأمر فيه شئ من العيب

 

وردت الاعلامية على السؤال، وذلك من خلال حلقة أمس الجمعة لبرنامجها الشهير هى وبس ، والذى يُذاع عبر فضائية cbc سفرة ، على أنها هى الأُخرى منفصلة، وأنها لا تعتبر مثل هذا الأمر عيب بل إنه دليل على قوة الست، وعلقت قائلة:ـ أنا كمان منفصلة.. هى منفصلة دى عندك عيب؟.. ناقصك شئ؟، وعلى فكرة أنا رضوى الشربينى ومنفصلة، وكمان بشتغل وبخلى بالى على بناتى وكمان أصحابى، والحمد لله عايشة كويس وسعيدة وراضية باللى ربنا كتبهولى، وممكن تتجوزى مرة واتنين وتلاته مش ده حلال ربنا؟

وتابعت رضوى:ـ مش عاوزة أى ست تقول الجملة دى تانى بالشكل ده، وإحنا هنرضى باللى ربنا قسمه وهنرضى بالقليل يعنى علشام منفصلين؟، وعلى فكرة أنا انفصلت علشان مقبلتش على نفسى حاجة غيرى قبلتها، وكون إنى قلت لأ يبقا أنا أكيد أقوى بكتير من غيرى

وأنهت:ـ أنا مُنفلصة ومفيش حد يقدر يتكلم عليا وده علشان أنا إنسانة مُحترمة، واللى بعد كده بيبقى أحلى وأجمل.. انفصلى وعيشى حياتك على طبيعتها، ولو لقيتى ابن الحلال اللى يستاهلك تانى تمام مفيش أى مشكلة

وجديراً بالذكر، بأن الاعلامية رضوى الشربينى أكدت على أنها تعمل للمرأة ومن اجل المرأة، وأنها بعيد تماماً عن السوشيال ميديا

وأوضحت من خلال لقائها مع e بالعربى ، وذلك عقب تكريمها بجائزة الأكثر تأثيراً بخصوص دعمها الدائم للمرأة بملتقى she can ، على أن السوشيال ميديا للمرأة والرجل وبها الكثير من المنافع والأضرار، وقالت:ـ كتير من الناس مُتخيله إنى علشان الأرقام كبيرة يبقى أنا مُهتمة بالسوشيال ميديا، بس الأكيد إنى بعيد تماماً