زوجة مصرية تفجر مفاجأة وتعترف أمام القاضي.. زوجي عايزني أخلعه وهذا هوا السبب !! (تفاصيل مثيرة)

أقامت سارة .م  زوجة عشرينية دعوى نفقة زوجية أمام محكمة الأسرة بالإسكندرية ضد زوجها م.د  الذى وصفته بانه صاحب نفوذ وضيف دائم على قنوات التليفزيون . 

قالت الزوجة فى أولى جلسات نظر الدعوى "أنا متزوجه منذ ٧ شهور وزوجي كان متجوز اتنين قبلي،  وكان في اتفاق إني هعيش لوحدي وإن الأولاد مع أمهم من سنين". 

وأضافت " بعد زواجي بشهر أحضر ابنه اللى فى  نفس عمرى يقعد معايا، رفضت وطلبت منه الوفاء بوعده قبل الزواج، لكنه رفض وأصر على أنه يقعد معانا". 

وتابعت " يومين فقط وبدأ ابنه يخلق المشاكل معى، رغم أننى كنت حابسه نفسى فى حجرة نومى، وكنت خايفه من وجوده فى البيت، فهو فى نفس عمرى، وزوجى  كان يعود  من عمله فى ساعة متاخرة من الليل" . 

مقدرتش استحمل وجود ابنه معى فى نفس المنزل 

وتابعت "مقدرتش استحمل الوضع ده أسبوع، قررت أسيب  البيت بعد ما رفض يمشي الولد، طلبت منه الطلاق، اشترط إنه يكون طلاق على الإبراء،  وأبريه من كل حاجة، رفضت، وطلعت من البيت حتى هدومي أخدها منى، ومخدتش أي حاجه ودهبي كمان أخده ". 

وقالت الزوجة " عملت  تسوية، رفض يجي وقالي هطلبك في الطاعة وخليكي سنين دايخه في المحاكم مش هتاخدي أي حاجة ولا هتعرفي تطلقي اخلعيني أو ابريني". 

وأضافت الزوجة "مايريده زوجى منى، عمله مع  زوجته الثانية، وأجبرها على الطلاق  على الأبراء وأخد منها كل حاجه حتى هدومها وهو راجل مشهور ومعروف وبيطلع في التليفزيون وبيستغل نفوذه" . 

زوجى رافض يمنحنى حقوقى ..وعايزنى اخلعه 

وتابعت الزوجة "زوجى رافض يدينى حقوقى، وقالى هطعن في القايمة وأدوخك سنين ولو خدتي حاجه هبعتلك عفش مكسر وقديم".

واختتمت الزوجة “أنا مش طالبة غير حقى فى نفقة زوجية، وقائمة المنقولات، ودهبى ، ومش بهتم  بتهديدات زوجى، ومصممه على حقوقى مهما كان نفوذه وشهرته” . 

قررت المحكمة تأجيل القضية لشهر ديسمبر لإعلان  الزوج، والاطلاع على المستندات المقدمة من الزوجة . 

سعد احمد

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال