ميار الببلاوي نجلاء فتحي هي السبب قالتلي مافيش حاجة اسمها شهر رمضان عشان تقنعني أصور مشهد جنسي.

كشفت الفنانة ميار الببلاوي عن نصيحة قالتها لها الفنانة نجلاء فتحي في كواليس تصوير فيلم “ديسكو ديسكو” لتقنعها بتصوير مشهد جريء في رمضان.

وحكت ميار الببلاوي خلال لقائها في برنامج “قعدة ستات” من تقديم مروة صبري عبر قناة “القاهرة اليوم” إنها كانت تبكي وترفض تصوير مشهد جريء يجمعها بالفنان عمرو عبد الجليل في نهار رمضان، فتدخلت الفنانة نجلاء فتحي وتحدثت معها وقالت لها: “رمضان معمول علشان الناس الفقراء، والناس الأغنياء بيعملوا نفسهم أنهم مش بياكلوا قدام الفقراء، رمضان بتاع الفقراء أحنا عندما أكل نصوم ليه، مضيفة: كانت عاوزة تقنعني أني أعمل المشهد وأن الموضوع مش محتاج أعطلهم يعني مفيش حاجة أسمها رمضان والكلام ده.وكشفت ميار الببلاوي كواليس تصوير المشهد وقالت: الفيلم كله متصور في رمضان وأنا عندي عقدة من موضوع رمضان دا، أه كنت شابة وبلبس عادي، لكن كان في مشهد مع عمرو عبد الجليل مكنتش عاوزة أصورة لأن كنا في رمضان لدرجة أني دخلت الحمام وقفلت على نفسي بالمفتاح وقعدوا يخبطوا عليا كنت مستنية المغرب يأذن قولت لنفسي حتى لو استغفر الله العظيم هعمل حاجة غلط ميبقاش في الصيام.وأوضحت أنها كانت صغيرة وقت تصوير الفيلم وعمرها حوالي 17 عاما وكانت ترفض تصوير مشهدا آخر لظهورها بالمايوه: مشهد المايوه كنا لسه مش في رمضان، ولما روحت لابسه مايوه زي شورت كده اتمرمطت وأتمسح بيا الأرض.

وفيلم “ديسكو ديسكو” إنتاج 1993 بطولة نجلاء فتحي، صلاح ذو الفقار، محمود حميدة، شريف منير، عمرو عبد الجليل، وفاء عامر، عبد الله محمود، ميار الببلاوي، تأليف عبد الحي أديب وإخراج إيناس الدغيدي.

ريهام نصر

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال