أبرز تصريحات إيمان أيوب التي أثارت به الجدل فلوسي ضايعه على البواريك و اتنمروا على بنتي بسبب خطيبها

حلت الفنانة إيمان أيوب ضيفة على أحد البرامج التلفزيونية بعد غياب دام لفترة طويلة عن الإعلام، وتحدثت عن علاقتها بابنتها وزوجها السابق، كما كشفت عن رأيها في قرارات مصطفى كامل، نقيب الموسيقيين بشأن مطربي المهرجانات.

وفيما يلي أبرز تصريحات إيمان أيوب:

-فلوسي كلها ضايعة على الرموش والبواريك.

-بنتي قالت لي أنا حبيت واحد، فقررت أروح أقابله وقُلت له إحنا صعايدة مفيش صحوبية وقرأنا الفاتحة.

-الناس تنمروا على بنتي عشان خطيبها أطول منها، وطلبت من المواقع تحذف خبر الخطوبة.

-تزيني لجوزك زي ما القرآن قال، واقفي في المطبخ شكلك حلو، وارقصي في البيت متخليش ولادك يشوفوكي بومة، واستخدمي المكياج اللي جابهولك.

-مش آخر الحياة إن الست تسيب الراجل، والمفروض الست لما تحس إنها مش متوافقة تنسحب، من غير ما يكون في ما صنع الحداد بينهم.

-الست قبل ما تروح محاكم عشان تطلق وتتبهدل فهي بتبهدل ولادها قبلها، لأ أبدئي حياة جديدة مع نفسك، والحياة مبتقفش على حد.

-الراجل مش طفل علشان واحدة تخطفه، والعين نافذة الروح، والعين بتبص وبتفكر، ومفيش ست بتضحك على راجل.

-فيه ألفاظ جديدة داخلة علينا في الأغاني، وسعيدة إن أستاذ مصطفى كامل، قال اختاروا الكلمة في الأغاني.

-أنا وتامر حسني أصحاب من زمان من قبل ما نمثل، وهو راجل محترم ووالدته سيدة فاضلة.

-أنا كزوجة لو حبيت واحد غير زوجي هقوله مش عايزة أكمل معاك.

-المفروض الزوج لو عرف واحدة تانية ييجي يصارح مراته.

-بنتي قالتلي لازم إنتي وبابا تطلقوا، أنا مش هصحى كل يوم على خناقة.

-زوجي السابق ووالد عائشة ابنتي كان متواجد في خطوبة ابنتنا مع زوجي الحالي، والموضوع كان تصالح نفسي.

صبا

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال