أغرب علاقة بين زوجين في مصر.. الزوجة تفقد أعصابها وتتحدث أمام المحكمة "انا دايما ملهوفة عليه وعمره ما طلبني للأوضة"!!

“من أول ما اتجوزنا وأنا دايما اللي ملهوفة عليه، لكن هو ما فيش يوم يطلبني للعلاقة للزوجية أو حتى يفاجئني بهدية أو خروجة، كنت بحس أنه مغصوب عليا، وبيقلب أي موضوع لخناقة ويقول لي أنا طبعي كده ومش هغيره، وحاسة بحرمان عاطفي”.. نطقت بهذه الكلمات “ندى” وهي داخل محكمة الأسرة لرفع دعوى خلع من زوجها بعد عام ونصف من الزواج مبررة استحالة العشرة معه.

وقالت الزوجة: “اتجوزت من سنة ونص زواج صالونات، وأنا كنت برفض ادخل أي علاقة مع شاب قبل الجواز عشان أعيش كل لحظة لأول مرة مع جوزي، عشان كده كنت بحلم أن الجواز هيكون جنة بالنسبة ليا، لكن النصيب بقى أني اتجوز من واحد بارد في المشاعر جدا، ميعرفش يعني إيه احتياجات المرأة، بالنسبة ليه الحياة أكل وشرب وخدمة بيت حتى العلاقة الزوجية بينتظر أنا اللي أقوله صراحة، كل يوم بحس بالحزن والنقص وإني ست مش كاملة لما سنة ونص زواج مسمعش كلمة حلوة". 

وتابعت حديثها قائلة: “كنت بحاول معاه لدرجة إني كنت بكلمه وأقوله إني نفسي أحس بلهفتك عليا وقربك مني، لكن هو كان يقلب الموضوع لخناقة ويخاصمني بالأيام لحد ما اعتذر له، مكنش بيحس بيا وأنا بشوف كل واحد بيدلع مراته ولا غيرتي بقيت أعيش في أحلام يقظة عشان أشبع رغباتي لحد ما بالتدريج بقيت أنفر منه أنا ومش حابة أكمل حياتي معاه وطلبت منه الطلاق ورفض عشان ما اطلبش حقوقي مش حب فيا، فرفعت دعوى خلع بمحكمة الأسرة وأنتظر أولى الجلسات”.

غمدان.

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال